Om JoinUs

JoinUs TenSing

Kvar onsdag 18-21

Velkommen til JoinUs! Her kan du velje å være med i dei ulike aktivitetsgruppene kor, band, dans, matlaging eller klubb. Vi startar med ei fellessamling med leik og planane før vi går i dei ulike gruppene. Etter gruppeaktivitetane serveres eit felles måltid, før vi avslutter med ein kort frivillig andakt.

Aldersgruppe: 8.klasse-VG3

For å delta på JoinUs må du være medlem i "KFUK-KFUM JoinUs". Det koster 400kr pr. kalenderår å være medlem. For dei som treng å sleppe denne kostnaden, har vi eit deltagarfond sponsa av Fana Sparebank som ein kan benytte. Økonomi skal ikkje vere eit hinder, så vær venleg å ta kontakt!

Grupper

Likar du å syngje og vil utvikle stemma di i eit trygt og inspirerande miljø? Då er JoinUs-koret perfekt for deg! Her får du vere med på varierte øvingar, lære nye songar og jobbe tett saman med bandet for å skape flotte musikalske opplevingar.

Koret har vore ein viktig del av JoinUs i mange år, og vi går inn i eit nytt år med engasjerte dirigentar, gode øvingsleirar og spennande konsertar. Du treng ikkje å ha erfaring frå før – det viktigaste er at du har lyst til å synge og vere ein del av fellesskapet.

Har du lyst til å spele i band og utvikle deg musikalsk saman med andre? Då er JoinUs-bandet midt i blinken for deg! Her er alle instrument velkomne – enten du spelar gitar, bass, trommer, ukulele, flygel eller noko heilt anna. Du kan også ta med ditt eige instrument!

I bandet lærer du det du treng for å spele saman med andre, og du får vere med på eit tett samarbeid med koret. Bandet spelar på ulike arrangement og konsertar gjennom året, og er ein viktig del av det musikalske fellesskapet i JoinUs.

Du treng ikkje å vere proff – det viktigaste er at du har lyst til å spele og ha det gøy!

Likar du å lage mat og vere kreativ på kjøkkenet? Då er Matgruppa noko for deg! Her får du utfalde deg med enkle og smakfulle rettar som blir servert som pausemat under øvingane. Du lærer grunnleggande matlaging, får prøve nye oppskrifter og jobbar saman med andre i eit sosialt og inkluderande miljø.

Du treng ikkje å ha erfaring frå før – her er det plass til både nybegynnarar og dei som har stått litt på kjøkkenet før. Det viktigaste er at du har lyst til å lage mat og bidra til fellesskapet!

Er du glad i å danse og vil sleppe deg fri på dansegolvet? Då er Dans-gruppa perfekt for deg! Her får du vere med å utforske moderne dans, lære nye steg og vere med å koreografere eigne dansar. Vi jobbar kreativt og leikar oss med rørsle, rytme og uttrykk – alt i eit trygt og inkluderande miljø.

Du treng ikkje å ha dansa før – her er det plass til både nybegynnarar og dei med litt erfaring. Det viktigaste er at du har lyst til å bevege deg, ha det gøy og vere ein del av fellesskapet!

Vil du berre henge, spele spel og bli kjent med folk? Då er Klubben plassen for deg! Her kan du slappe av i sofaen, spele kort, brettspel eller Playstation, ta ein prat med vener – eller berre vere deg sjølv i eit trygt og sosialt miljø.

Klubben er open for alle, uansett om du er med i ei gruppe eller ikkje. Det er ein chill plass der du kan ta ein pause frå aktivitetane, møte nye folk og vere ein del av fellesskapet på din eigen måte.

Er du glad i å vere kreativ med hendene? Då er Hobbyverkstaden noko for deg! Her kan du perle armband, teikne, male, lage kort – eller prøve ut andre spennande hobbyaktivitetar som vår frivillige instruktør legg opp til.

Du treng ikkje å vere ekspert – her handlar det om å ha det gøy, utforske kreativiteten og kose seg saman med andre. Hobbyverkstaden er ein avslappa og sosial plass der du kan lage noko fint og samtidig bli kjent med nye folk.

Vil du vere med å bestemme kva som skjer i JoinUs? Då bør du stille til styret! JoinUs-styret blir valt på årsmøtet og jobbar saman med ansvarleg vaksen for å forme innhaldet og retninga til JoinUs. Her får du vere med å planlegge arrangement, komme med idéar til nye aktivitetar og bidra til at JoinUs blir ein plass der ungdom trivst.

Å vere med i styret gir deg erfaring med samarbeid, ansvar og leiing – og du får vere med å påverke kvardagen til mange ungdommar. Du treng ikkje å ha vore med lenge for å stille – det viktigaste er at du har lyst til å engasjere deg!

Er du glad i å ta bilder, lage video eller jobbe med sosiale medier? Då er Media-gruppa noko for deg! Her får du vere med å dokumentere alt det kjekke som skjer i JoinUs – frå øvingar og konsertar til leirar og kvardagsglede. Du får lære korleis du kan redigere bilder og video, lage innhald til Instagram og TikTok, og bidra til å vise fram det gode fellesskapet vårt.
Media-gruppa samarbeider tett med dei andre gruppene og er med på å løfte fram stemninga og engasjementet i JoinUs. Du treng ikkje å ha erfaring frå før – her lærer vi saman og har det gøy!

Kommende arrangementer

Galleri

Vårkonsert 2025

Ta kontakt!

Lurar du på noko om JoinUs? Har du ei tilbakemelding? Eller vil du som vaksen hjelpe til med noko ein gong i blant?

Harald Skoglund Dahler

Ungdomsleiar

Leiar av JoinUs

E-post: hd793@kyrkja.no

Mobil: 48261164

Kontakt