Klubben er eit gratis lågterskel fritidstilbud som blir halde omkring to fredagar i månaden for aldersgruppa 8.kl til VG3
Lag deg ein god kveld!
Her kan ein koma og hengje med nye og gamle vener, spele spel, eta eit gratis måltid, kjøpa noko godt i kiosken, høyre på musikk, sjekka ut arcademaskinane, spela pingpong eller biljard. Kvelden blir eigentleg slik som ein sjølv vil ha den.
Klubb-teamet består av omkring 30 ungdommar som sjølv bestemmer korleis Klubben skal vera. Dei har óg ansvarsområder som "kokk", "ryddesjef" og "inkluderar".
Takk til alle vaksne som stiller opp på ulike måtar for å sikre ungdommane i Os ein trygg og kjekk hengjeplass.
Ungdomstunet på SoMe:
Klubben:
Program
19:30 - Klubben opnar
21:00 - Mat blir servert
22:30 - Ord til ettertanke og rydding
23:00 - Slutt
...som du ser er det så lite opplegg som mogleg. Uansett korleis dagen har vore, gjer kvelden til ein god ein!
Datoar
16.januar
30. januar
13. februar
6.mars
27. mars
10. april
24.-26.april - lederleir
22. mai
5. juni
Vil du ha ei rolle?
Klubbteamet har ulike ansvarsområder i Klubben. Vi ser at det kjem mange ungdommar på Klubben og at mange uttrykker ynskje om å bidra med all slags. Difor opnar vi no for at alle kan melde seg til ei gruppe og hjelpe Klubbteamet med oppgåvene på fredagane. Sjå gjennom gruppene nedanfor, og meld deg eller ungdommen din inn gjennom skjemaet nederst.
Ein treng absolutt ingen forkunnskap om noko som helst. Dette er berre ein ypperleg sjangs til å kome inn i fellesskapet endå meir og bidra til noko positivt - saman med andre. Dette er kjekt å vere med på!
Aktivitør
Bli med å bestemme kva aktivitetar vi skal ha, og sørg for at dei blir kjekke på fredagen
Kokk
Lag klart maten som skal serverast i løpet av kvelden, i lag med ein vaksen
Gledes-spreder
Ynskje velkomen og inkludere dei som kjem åleine
Influenser
Lag trendy TikTok-videoar for Klubben og ta bilete/ videoar (opplæring ift. samtykke o.l. er naudsynt)
Kiosk-
forhandler
Gjer klart og ta imot betalinger i billigkiosken
Ryddehelt
Hjelp til med å rigge til kvelden og rydde opp etterpå
Musiker
Spel musikken på Ord til ettertanke på slutten av kvelden, eller lag din eigen konsert for alle som kjem
U-Lederkurs for Klubbteamet 2026
I vår blir det holdt ungdomslederkurs for dei som ynskjer å ta ekstra ansvar på Klubben, og vere ein del av Klubbteamet.
Kurset er fordelt på to samlingar, og éin teambygging-leir. Målet er å bli betre kjend med seg sjølv, dei andre i teamet, og saman finne ut av korleis ein kan samarbeide godt i lag.
U-Lederkurset er intensivt for å kunne inkludere eit bredt spekter av ungdom, og fordi eit godt team-samarbeid er heilt nødvendig for å oppretthalde ein god og positiv kultur på Klubben.
Datoar for kurset er 19. februar, 19. mars, og 24.-26.april.
Kurset kostar 400 kr og inkluderer alle kostnader for samlingane og leir (transport, overnatting, mat m.m.). Gje beskjed om kostnaden er eit hinder for å bli med, så finn vi ei løysing.
Ta kontakt!
Lurar du på noko? Har du ei tilbakemelding? Eller vil du som vaksen hjelpe til med noko ein gong i blant?
Idun Fjeld
